2023 йилнинг 1 октябридан ёқилғи-энергетика ресурсларининг янги тарифлари тасдиқланди. Бу бўйича Ҳукумат тегишли қарор қабул қилди.
Унга кўра, 2023 йил 1 октябрдан бошлаб юридик шахслар учун электр энергияси ва табиий газ тарифларини ошириш таклиф этилмоқда.
Хусусан, 1- ва 2-гуруҳдаги электр энергияси истеъмолчилари (ОКМК, НКМК, “Ўзметкомбинат” ва бюджет ташкилотлари)га ўзгаришсиз – 1 кВт.соат учун 1 000 сўм, қолган юридик шахслар учун 900 сўмгача (ҳозирги вақтда 450 сўм) деб белгиланди.
Табиий газ тарифлари эса ОКМК, НКМК, “Ўзметкомбинат” ва бюджет ташкилотларига ўзгаришсиз – 1 куб метр учун 1 800 сўм, бошқа ташкилотларга 1 500 сўм (ҳозирги вақтда 660 сўм) миқдорида белгиланди.
Аҳоли учун ҳам электр энергияси, табиий ва суюлтирилган газ тарифлари ўзгаришсиз, амалдаги нархларда қолди.
Бундан ташқари, ҳужжат билан Ёқилғи-энергетика комплексида бозор механизмларини жорий этишни мувофиқлаштириш комиссияси ва энергетика инфратузилмасининг барқарор ишлашини таъминлаш бўйича ишчи гуруҳ таркиби тасдиқланди.
