Ушбу ҳафтада Ўзбекистон президенти Шавкат Мирзиёев бир қатор муҳим халқаро тадбирларда иштирок этиши режалаштирилган. Давлат раҳбари 14-15 сентябрь кунлари Тожикистоннинг Душанбе шаҳрида Осиё давлат раҳбарларининг навбатдаги бешинчи маслаҳат учрашуви ҳамда Оролни қутқариш халқаро жамғармаси саммитида иштирок этади.
Ушбу саммитлардан кейин давлат раҳбари кейинги ҳафтада давлат ташрифи билан АҚШга жўнаб кетади. АҚШнинг Нью-Йорк шаҳрида кейинги ҳафтада БМТнинг бош Ассамблеясининг 78-сессияси ўз ишини бошлайди. Ушбу сессияда Шавкат Мирзиёев ҳам иштирок этади ва нутқ сўзлайди.
