Хитой компанияси бўлган Zheijang Dahua Technology Co., Ltd. бир вақтнинг ўзида иккита Халқаро кўргазмалар – “Қўриқлаш, ҳимоя ва хавфсизлик воситалари. Securex Uzbekistan 2023” ва “Электроника, электротехника, кабель ва сим маҳсулотлари, яшил энергетика, технологиялар ва ишлаб чиқариш – UzE-TechExpo 2023”да иштирок этди.
Кўргазмалар 6-8 сентябрь кунлари Тошкент шаҳридаги “Ўзэкспомарказ” МКК АЖда бўлиб ўтди. Бу йил ҳам ушбу компания UzE-TechExpo-2023 халқаро кўргазмасининг олтин ҳомийи бўлди.
Хавфсизлик масалалари соҳасида ечимлар ва интеллектуал маҳсулотларнинг етакчи ишлаб чиқарувчиси сифатида компания кенг қамровли ечимлар ёрдамида мижозларнинг эҳтиёжларини самарали қондириш учун ёнғин хавфсизлиги маҳсулотларининг инновацион линиясини яратди.
Кўргазмаларда компания қуйидаги маҳсулотларни тақдим этди: ёнғин хавфсизлиги маҳсулотлари, тепловизорлар, LED/LCD экранлар, кириш ва периметрни бошқаришнинг интеллектуал маҳсулотлари, “ақлли уй” маҳсулотлари, йўл ҳаракати хавфсизлиги учун интеллектуал маҳсулотлар ва энергетика соҳаси бўйича маҳсулотлар.
Инновацион маҳсулотлар орасида – ёнғин хавфсизлиги тизими аналоги, ёнғин детектори (DHI-HY-1022), тутун детектори (DHI-HY-1301) ва иссиқлик детекторини (DHI-HY-1310) ўз ичига олган манзилли хавфсизлик тизими намойиш этилди.
Шунингдек, 12,5 км∙гача бўлган масофадаги объектларни аниқлашга қодир термал тасвирли кузатув камералари, 32 МПгача бўлган панорамали, кўриш бурчаги 360 даражали айланувчи камералар ҳам тақдим этилди.
Бундан ташқари, кўргазмада компания Ўзбекистонда жорий этилган замонавий ечим – шахслар ва транспорт воситаларининг рақамларини аниқлаш имкониятига эга “хавфсиз шаҳар”ни тақдим этди.
Dahua Technology ўзини меҳнатни муҳофаза қилиш қоидалари ва видеокузатув соҳаларида ечимлар ишлаб чиқарувчи етакчи сифатида намоён этишга муваффақ бўлган. Компанияда 30 мингга яқин ходимлар фаолият юритиб, уларнинг ярми янги тадқиқот ва ишланмалар билан шуғулланадилар.
Айни пайтда компаниянинг дунё бўйлаб, жумладан, Ўзбекистонда ҳам, 67 та филиали мавжуд. Ўзбекистонда 2018 йилда очилган офис учта йўналишда фаолият юритади: бизнесни ривожлантириш, лойиҳалар ва хизмат кўрсатиш.
Dahua Technology доимий равишда янги технологияларни тадқиқ этиб, йирик корхоналар, кичик фирмалар ва жисмоний шахслар учун кенг қамровли ечимларни таклиф этади.
Компаниянинг маҳсулотлари билан танишиш ва батафсил маълумот олиш учун www.dahuasecurity.com сайтига ташриф буюринг.
Instagram: @dahuauzbekistan
Telegram: @uzdahua
Реклама ҳуқуқи асосида