Марокаш Миллий геофизика институти маълум қилишича, кеча маҳаллий вақт билан 23:00 атрофида эпицентри Марракеш-Сафи минтақасида бўлган 7,2 магнитудалик зилзила содир бўлган. АҚШ Геологик хизмати маълумотларига кўра, зилзила ўчоғи 18,5 километр чуқурликда, магнитудаси эса 6,8 баллни ташкил қилди.
Маълумотларга кўра, кучли зилзила оқибатида 296 киши ҳалок бўлган. Камида 153 киши жароҳат олиб, касалхоналарга юборилган. Ер силкинишлари бир қанча ҳудудларда сезилди. Гувоҳларнинг хабар беришича, Марракешдаги турли бинолар қулаган.