Ўзгидромет хабарига кўра, бугун ҳаво ҳарорати +27...+32 даража атрофида, жанубда ва чўл ҳудудларда +35...+37 даражагача бўлади.
Шанба ва якшанба кунлари ҳудуднинг катта қисмида иссиқ ва қуруқ об-ҳаво бўлади. Ҳаво ҳарорати шанба куни +30...+35 даража, якшанба куни +32...+37 даража, жанубда ва чўл ҳудудларда +39 даражагача бўлади.
Дам олиш кунлари шимолий-ғарбий ҳудудларда об-ҳаво ёмонлашиши кутилмоқда. Қорақалпоғистон Республикаси, Хоразм вилоятида ва Навоий вилоятининг шимолида вақти-вақти билан ёмғир ёғади, момақалдироқ бўлиши мумкин. Баъзи жойларда шамол тезлиги 15-20 м/с.гача кучайиши кутилмоқда. Ҳаво ҳарорати +22...+27 даражагача пасаяди.
Пойтахтда 8 сентябрда булутли бўлади, баъзида ҳаво булутлардан очилади, куннинг биринчи ярмида бироз ёмғир ёғиши мумкин. Шамол шарқдан 5-10 м/с тезликда эсади, 12-14 м/с.гача кучайиши мумкин. Ҳарорат +30...+32 даража бўлади.
Дам олиш кунлари ҳаво асосан бироз булутли бўлади, ёғингарчилик кутилмайди. Ҳарорат шанба куни +30...+32 даража, якшанба куни +35...+37 даражагача бўлади.
