Украина Олий Радаси янги Мудофаа вазири этиб Умеров Рустем Энверовични тайинлади. Бу ҳақда депутат Ярослав Железняк маълум қилди.
Рустем Умеров номзодини 338 киши қўллаб-қувватлади, 1 киши бетараф қолди, ҳеч ким қарши овоз бермади.
Умеров Мудофаа вазирлигига раҳбар этиб тайинлангунга қадар Давлат мулки жамғармасини бошқарган.
Рустем Умеров 1982 йилда Самарқанд вилояти Булунғур туманида депортация қилинган қрим-татар оиласида туғилган.
1980 йилларнинг охирида Қрим татарларини ватанига қайтариш бошланганидан кейин унинг оиласи Қримга қайтиб келган.
