Туркиянинг Мерсин шаҳрида спорт гимнастикаси бўйича жаҳон челленж кубоги сериясига кирувчи мусобақада икки нафар ўзбекистонлик спортчи олтин ва кумуш медалларни кўлга киритди. Бу ҳақда Миллий олимпия қўмитаси хабар берди.
Аёллар ўртасидаги таяниб сакраш дастурида Оксана Чусовитина олтин медални қўлга киритди.
Оксана Чусовитина 13.067 балл жамғаришга муваффақ бўлди. Иккинчи ва учинчи ўринлар мос равишда туркиялик Бенгиси Йилдиз ва Черен Бинерга насиб этди.
Шунингдек, Абдулазиз Мирвалиев сакраш дастурида кумуш медаль соҳиби бўлди. Унинг ижроси ҳакамлар томонидан 14.475 баллга баҳоланди.
Олтин: Назар Чепурний (Украина) — 14.900;
Кумуш: Абдулазиз Мирвалиев (Ўзбекистон) — 14.475;
Бронза: Игорь Радивилов (Украина) — 14.450.