2023-2024 йил ўқув йили бошланиши муносабати билан талабаларни ўз вақтида етиб боришлари учун қуйидаги йўналишларда қўшимча автобус қатновлари йўлга қўйилди. Бу ҳақда Транспорт вазирлиги Матбуот хизмати хабар берди.
— Урганч-Тошкент;
— Хива-Тошкент;
— Бухоро-Тошкент;
— Тошкент-Ғиждувон;
— Тошкент-Қоракўл;
— Тошкент-Шофиркон.
Шунингдек, Вобкент, Жондор ва Олот туманларидан 2023 йилнинг 3 сентябрь кунига қадар қўшимча автобуслар қатнови йўлга қўйилмоқда.
Автобуслар чипталарини Урганч шаҳридаги автовокзалдан, Бухоро шаҳридаги автошох бекатидаги чиптахонадан ёки электрон тарзда avtoticket.uz cайтида харид қилиш мумкин.