Жорий йилнинг 20 август куни тунги соат 00:36 атрофида Самарқанд вилояти Ургут туманида Malibu 2 автомашинаси ҳаракатланиб келаётган вақтда йўлнинг чап томонидан ўнг томонига ҳаракатланиб ўтаётган пиёдани уриб юбориб, ЙТҲ содир этган. Бу ҳақда Самарқанд вилояти Ургут тумани ҳокимлиги Ахборот хизмати хабар берди.
ЙТҲ натижасида пиёда ҳайдовчи томонидан зудлик билан тиббиёт бирлашмасига етказилган.
Тиббиёт ходимларининг кўрсатган муолажаларига қарамасдан, жабрланувчи ҳаётдан кўз юмган. Ҳолат юзасидан Ургут тумани ИИБ ҳузуридаги тергов бўлими томонидан терговга қадар текширув ҳаракатлари олиб борилмоқда.
