Девид Хофман АҚШ Халқаро тараққиёт агентлигининг (USAID) Ўзбекистондаги миссиясининг янги директори бўлди. Бу ҳақда миссиянинг Facebook'даги саҳифасида хабар берилди.
Жаноб Хофман Ўзбекистон ҳукуматининг амалга оширилаётган ислоҳотлар дастурини қўллаб-қувватлаш бўйича USAID дастурларига раҳбарлик қилади.
Илгари Хоффман турли мамлакатлардаги бир қатор агентлик миссияларида USAID'нинг Ташқи ишлар хизмати ходими сифатида ишлаган.
Эслатиб ўтамиз, USAID'нинг Ўзбекистондаги миссияси 2020 йил сентябрь ойида ташкил этилган бўлиб, унинг биринчи раҳбари Микаэла Мередит бўлган.