Кеча, 22 август куни футбол бўйича Осиё чемпионлар лигаси плей-офф босқичи учрашувлари бўлиб ўтди. Унда Ўзбекистоннинг икки клуби Наманганнинг "Навбаҳор" ҳамда Олмалиқнинг ОКМК жамоалари сафарда Қатарнинг икки клубига қарши ОЧЛ гуруҳ йўлланмаси учун кураш олиб боришди.
ОКМК сафарда Қатарнинг "Ал-Араби" жамоасига баҳс олиб борган бўлса, "Навбаҳор" клуби футболчилари "Ал-Жануб" стадионида "Ал-Вакра"га қарши майдонда саф тортишди.
"Навбаҳор" жамоаси футболчиси Дониёр Абдуманнопов учрашувнинг 98-дақиқасида "Ав-Вакра" жамоаси дарвозасига киритган гол эвазига наманганликлар рақибларини мағлуб этишди (1:0) ва ОЧЛ гуруҳ босқичи йўлланмасини қўлга киритди.
Миржалол Қосимов бошчилигидаги Олмалиқнинг ОКМК жамоаси "Ал-Араби"га қарши баҳс олиб борди ва Рубен Санчеснинг ягона голи эвазига (1:0) ОКМК ғалаба қозонди ва Осиё чемпионлар лигаси гуруҳ босқичи йўлланмасини қўлга киритди. Ўз тарихда ОКМК иккинчи маротаба ОЧЛда иштирок этади.
Шундай қилиб Осиё чемпионлар лигасида Ўзбекистоннинг 4 та "Пахтакор, "Насаф", "Навбаҳор" ҳамда ОКМК жамоалари иштирок этади.
Маълумот ўрнида, кучли бешликда фаолият юритган бир қатор юлдузлар Криштиану Роналду, Карим Бензема, Садио Мане, Неймар каби жаҳон юлдузлари Саудия Арабистони клублари жамоасида фаолият юритишмоқда. Ушбу футболчилар тўп тепаётган жамоалар гуруҳ босқичида ўзбек клубларига рақиб бўлади ва катта эҳтимол билан юқорида номлари зикр этилган юлдуз футболчилар Ўзбекистонга ташриф буюриши мумкин.
Эслатиб ўтамиз, эртага 24 август куни ОЧЛ гуруҳ босқичига қуръа ташланади.