Аввалроқ, ижтимоий тармоқда Фарғона вилоятида 20 ёшли келин ўз жонига қасд қилгани ҳақида хабар тарқалди. Хабарда айтилишича, келин жорий йилнинг июль ойида турмушга чиққан. Унинг яқинлари куёв тараф келин ўз жонига қасд қилгани ҳақида хабар тарқатгани аммо, марҳуманинг танасида калтакланиш излари борлигини маълум қилишган.
Бош прокуратура берган баёнотга кўра, марҳума 20 август куни Ўзбекистон туманида яшаш уйида ўз жонига қасд қилган. Ўлим сабабини аниқлаш мақсадида суд-тиббий экспертиза тайинланган.
Ҳолат юзасидан туман прокуратураси томонидан терговга қадар текширув ҳаракатлари ўтказилмоқда. Текшириш натижаси бўйича қонуний қарор қабул қилиниши таъминланади.