Исақов Асқар Шарифжанович "Ўзтрансгаз" АЖ бошқаруви раиси вазифасини бажарувчиси лавозимига тайинланди. Бу ҳақда Энергетика вазирлиги Матбуот хизмати хабар берди.
А.Исақов бунга қадар Энергетика вазирлиги ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси бошлиғи ўринбосари лавозимида фаолият юритиб келаётган эди.
Маълумот учун, 2021 йилда "Ўзтрансгаз" АЖга энергетика вазирининг собиқ ўринбосари Беҳзод Норматов бошқаруви раис этиб тайинланганди.