Самарқанддаги тиббиёт бирлашмасида шифокорлар ўзаро жанжаллашиши натижасида икки нафар ҳамшира аёлга жиддий жароҳат етказилгани, бир аёлга нисбатан жиноят иши қўзғатилгани ҳақида хабар бергандик.
Маълум қилинишича, мазкур жиноят иши юзасидан тиббиёт бирлашмасида сайёр суд мажлиси бўлиб ўтган.
Жабрланувчи икки аёл судланувчи аёлни жарроҳлик бўлимига оилавий ўрнашиб олганини айтиб, бошқа бўлимга ўтказилиши, шунингдек, унга қонуний жазо берилиши кераклигини айтди.
“Агар ўша вақтда ўзимни ҳимоя қилмаганимда, иккита болам етим қолар эди”, — деди судланувчи аёл унга ўлдириш билан таҳдид қилишганини айтиб.
Суд ҳукмига кўра, аёл ЖКнинг 109-моддаси 2-қисми билан айбли деб топилиб, унга 1 йил озодликни чеклаш жазоси тайинланди.