Деҳлидаги Индира Ганди халқаро аэропортида олиб борилган жиддий чора-тадбирлар натижасида божхоначилар олтин контрабандаси билан шуғуллангани айтилаётган саккиз нафар Ўзбекистон фуқаросини қўлга олди, дея хабар бермоқда мамлакат Божхона департаменти.
Операция натижасида қиймати 2,92 миллион рупийга (тахминан 35 минг АҚШ доллари) тенг тилла занжирлар мусодара қилинди.
Қайд этилишича, бир гуруҳ аёллар Тошкентдан етиб келган ва божхона ходимлари томонидан тўхтатилган. Уларнинг юклари кўздан кечирилганда, багажининг орқа қисмига маҳкамланган ичи бўш металл қутига яширилган умумий оғирлиги 5,3 килограмм 50 та тилла занжирлар топилган.
Божхона бошқармасининг эълон қилган баёнотига кўра, олинган тилла занжирларнинг қиймати тахминан 2,92 миллион рупийни ташкил қилади. Текширувдан сўнг, саккиз нафар йўловчи зудлик билан ҳибсга олинди.