Поиск
RUUZ

Общество

Эрига иккинчи хотин совға қилган insta-bloger “Chechenka” ҳомиладорлиги сабабли жавобгарликдан озод қилинди — видео

Эрига иккинчи хотин "совға қилган" аёл қонун бузилишини тарғиб қилганликда айбдор деб топилди. Бироқ суд унинг ҳомиладорлиги ва икки нафар вояга этмаган фарзанди борлиги туфайли жазони енгиллаштирди.

3770views0replies
0

Видеодан кадр

Аввалроқ аёл эрига туғилган кунида иккинчи хотин "совға қилган"и акс этган видео ижтимоий тармоқларга сиздирилган эди.
Блогер бўлиб чиққан аёл фуқаро Г.А.га нисбатан МЖтКнинг 201-1-моддаси (қонун ҳужжатларини ижро этмаслик ёки бузишга оммавий чақириқ) билан иш қўзғатилган эди.
15 август куни жиноят ишлари бўйича Шайхонтоҳур туман суди ушбу ишни кўриб чиқди.
Суд қарори билан фуқаро Г.А. кўпхотинлилик Ўзбекистон қонунчилигида тақиқланганлигини била туриб, бу ҳақда видео тасвирга олиб, ижтимоий тармоқда тарқатган ва бу орқали қонун бузилишини тарғиб қилган.
Судда аёл видео ҳазил тариқасида олинганини ва қилган ишидан афсусда эканлигини айтган. Шунингдек, у қарамоғида икки нафар вояга етмаган фарзанди борлиги ва ҳозирда учинчи фарзандига ҳомиладор эканини ҳисобга олиб, суддан жазони енгиллаштиришни сўраган.
Суд фуқаро Г.А.ни МЖтКнинг 201-1-моддада назарда тутилган ҳуқуқбузарликни содир этганликда айбли деб топди. Бироқ, унинг қарамоғида бўлган икки нафар фарзанди борлиги ва учинчи фарзандига ҳомиладорлиги, шунингдек, у илгари бундай ҳуқуқбузарликларга йўл қўймаганлигини ҳисобга олиб, суд Г.А.га нисбатан МЖтКнинг 21-моддасига (ҳуқуқбузарликнинг аҳамиятсизлиги сабабли маъмурий жавобгарликдан озод қилиш) асосан жавобгарликдан озод этиб, огоҳлантириш билан кифояланди.
Эслатиб ўтамиз, агар суд жазони енгиллаштирмаганида, фуқаро Г.А.га БҲМнинг 60 бараваридан 80 бараваригача (19,8 миллион сўмдан 26,4 миллион сўмгача) жарима солиниши мумкин эди.
3770views0replies
0

Комментарии