Ҳукумат қарори билан Ўзбекистон фуқаролигини қабул қилишда давлат тилини билиш даражасини аниқлаш тартиби тўғрисидаги низомга ўзгартиришлар киритилди.
Киритилган ўзгартиришлар чет элликлар ва фуқаролиги бўлмаган шахсларга фуқароликни олишда давлат тилини билиш даражасини аниқлаш учун давлат хизматлари марказлари ёки ЯИДХП орқали мурожаат қилиш имкониятини яратмоқда.
Бундан ташқари, мурожаатчилар ҳудудий имтиҳон комиссиясининг давлат тилини билиш даражасини аниқлаш бўйича қароридан норози бўлган тақдирда апелляция шикояти бериши мумкин.
Апелляция имтиҳон натижалари эълон қилинган кундан бошлаб 5 иш куни ичида давлат хизматлари марказлари ёки ЯИДХП орқали берилади.
Бундай ҳолда, имтиҳон натижалари эълон қилинган кундан бошлаб 10 кун ичида апелляция имтиҳони ўтказилади, унинг натижасида қуйидаги қарорлардан бири қабул қилинади:
— апелляцияни қаноатлантирмасдан қолдириш;
— дастлабки имтиҳон натижаларини ўзгартириш ва апелляцияни қаноатлантириш;
— дастлабки имтиҳон натижаларини бекор қилиш ва иккинчи имтиҳонни тайинлаш.
Апелляция комиссиясининг қарори устидан судга шикоят қилиниши мумкин.
