Аввалроқ, ижтимоий тармоқларда йўловчи автобуси иштирокида юз берган ЙТҲ видеоси тарқалиб, кенг муҳокамаларга сабаб бўлган эди. Ушбу йўл-транспорт ҳодисаси юзасидан Тошкент шаҳар ИИББ ЙҲХБ расмий изоҳ берди.
Мазкур йўл-транспорт ҳодисаси бугун, 14 август куни соат 15:40 атрофида Сергели тумани 4П-21 йўлининг 5-километрида содир бўлган.
Аниқланишича, 1973 йилда туғилган И.Б. Saz-Le 60 русумли автобусини бошқариб келаётиб, руль бошқарувини йўқотган. Натижада бетон устунга бориб, урилган.
Мазкур ЙТҲ натижасида автобус ҳайдовчиси И.Б. ва 3 нафар Б.Ф., М.А., А.Ф. йўловчилар тан жароҳати олиб шифохонага мурожаат қилган.
Мазкур ҳолат юзасидан Тошкент шаҳар ИИББ ЙҲХБ ходимлари томонидан суриштирув ҳаракатлари олиб борилмоқда.
