Аввалроқ, ижтимоий тармоқда ёш бола “Қорадарё” дарёсида оқиб кетгани ҳақида хабарлар тақалди. Андижон вилояти ФВБ ҳолат юзасидан маълумот берди.
2023 йил 13 август куни соат 17:53 ларда Олтинкўл тумани 1984 йилда туғилган шахс ИИБнинг «102» қисқа рақамига мурожаат қилиб, Олтинкўл тумани ҳудудидан оқиб ўтувчи “Қорадарё” дарёсидан 10 ёшли ўғил бола мурдаси топилганлиги ҳақида маълум қилган.
Хабарга асосан ўтказилган суриштирув натижасида, ушбу жасад Олтинкўл тумани “Орс” МФЙ Юқори кўчасида яшаган 2012 йилда туғилган Т.А. эканлиги маълум бўлган. Марҳумнинг жасади суд-тиббий экспертизасига юборилди.
“Вилоят Фавқулодда вазиятлар бошқармаси Навбатчи диспетчерлик хизматига сувда чўкиш бўйича хабар келиб тушмаган”, — дейилади хабарда.
