Поиск
RUUZ

Общество

Ўзбекистонда оилалар энг кўп қайси вилоятда бузилаётгани маълум бўлди

Статистика агентлиги 6 ой ичида қайд этилган ажримлар ҳақида маълумот берди.

1126views0replies
0

UzNews.uz

2023 йил январь-июнь ойларида қайд этилган никоҳдан ажралишлар сони 25,4 мингтани ташкил этиб, 2020 йилнинг мос даврига нисбатан 12,6 мингтага ёки 2 баробарга кўпайганлиги кузатилди. Бу ҳақда Статистика агентлиги Матбуот хизмати UzNews.uz'га хабар берди.
Ажримларнинг 60 фоизи (15,3 мингта) шаҳарда, 40 фоизи (10,1 мингта) қишлоқ жойларида қайд этилган.
Мазкур вақт давомида 1 нафар фарзанд билан никоҳдан ажралишлар сони 13 186 тани ташкил этган бўлса, фарзандсиз никоҳдан ажралишлар сони 6 730 тани ташкил этган. 5 505 та оила эса 3 нафар фарзанд билан ажрашиб кетган.
Фарғона вилояти никоҳдан ажралишлар сони энг кўп ҳудуд сифатида қайд этилган. Вилоятда ярим йилда 3 107 та оила ажрашган. Кейинги ўринларда Тошкент шаҳри (2 989 та) ҳамда Андижон вилояти (2 854 та) келтирилган.
Қайд этилишича, жорий йилнинг дастлабки 6 ойида никоҳдан ажрашганларнинг ўртача ёши эркаклар учун 37 ёш, аёллар учун 33 ёшни ташкил этган. Никоҳдан ажрашганларнинг энг катта улуши 35 ёшгача бўлган аёлларга тўғри келган.
1126views0replies
0

Комментарии