Навоий вилояти Экология бошқармаси давлат инспекторлари томонидан Навоий шаҳар ҳудудида назорат рейд тадбирлари ўтказилган.
Тадбир давомида "Тонг" мажмуаси ҳудудида "innovatsion Group Navoiy" МЧЖ томонидан қурилиш ишлари олиб борилаётган вақтда 3 дона тут дарахти таг қисмидан кесиб ташланганлиги аниқланган. Бу ҳақда Экология вазирлиги Матбуот хизмати хабар берди.
Мазкур ҳолат юзасидан МЧЖ раҳбари Р.А.га нисбатан тегишли ҳужжатлар расмийлаштирилиб, табиатга 92 млн 400 минг сўм зарар етказилганлиги маълум бўлган.
Ҳозирда тўпланган ҳужжатлар суд органларига юборилиб, табиатга етказилган зарарни ундириш чоралари кўрилмоқда,- дейилади хабарда.
