Поиск
RUUZ

Общество

Тошкентда яланғоч ҳолда гулдаста кўтариб, ҳаракатланган эркак бўйича маълумот берилди — видео

Кеча мазкур видео интернетда тарқалиб, муҳокамаларга сабаб бўлганди.

2212views1replies
0

Видеодан кадр

Ижтимоий тармоқларда номаълум фуқаро Юнусобод туманида кўчада яланғоч ҳолда гулдаста кўтариб юргани акс этган видео тарқалиб, турли муҳокамаларга сабаб бўлди. Тошкент шаҳар ИИББ мазкур ҳолат юзасидан маълумот берди.
Жорий йилнинг 4 август куни Юнусобод тумани 11-мавзе ҳудудида 1992 йилда туғилган Т.А. қўлида гулдаста билан яланғоч ҳолда жамоат жойида ҳаракатланиб, бу хатти-ҳаракати билан фуқароларнинг норозилигини келтириб чиқарган.
Ҳолат юзасидан Юнусобод тумани ИИО ФМБ томонидан ўтказилган текширув жараёнида фуқаро Т.А. Тошкент шаҳар руҳий-асаб касалликлар гуруҳи шифокори томонидан кўрикдан ўтказилган.
Кўрик натижасида, Т.А.нинг руҳиятида бузилиш аниқланганлиги сабабли, фуқаро шаҳар руҳий-асаб касалликлар шифохонасига юборилган.
Ҳозирда ҳолат юзасидан терговга қадар қўшимча текширув ишлари давом эттирилмоқда.
2212views1replies
0

Комментарии