Аввалроқ, Фарғонада бир эркак Yandex Taxi ҳайдовчиси телефонига жавоб бермагани сабаб унинг машинасининг ойналарини уриб синдиргани ҳақида хабар бергандик. Вилоят ИИБ Матбуот хизматининг хабар қилишича, мазкур эркак қўлга олинган.
"Узр, кечирасизлар. Озгина қизишиб кетдим. Жамоат жойида қонунни бузиб, тартибсизлик қилганим учун мана, жавоб бериб ўтирибмиз. Фуқаролардан узр сўрайман. Бу иш бошқа қайтарилмайди", - дейди у.
Шунингдек, ҳолат юзасидан эркакка нисбатан ЖКнинг 277-моддаси 3-қисми "а" банди билан жиноят иши қўзғатилди. Мазкур шахс ЖПКнинг 211-моддаси тартибида ушланган.
Ижтимоий тармоқда эркак ҳуқуқбузарлик қилаётган вақтда ўша ердаги ИИБ ходимлари уни олдини олмасдан, қараб тургани мазмунидаги муҳокамалар ҳам бўлди. Қайд этилишича, ходимларга нисбатан хизмат текшируви тайинланган.
