Ўзбекистон давлат санъат ва маданият институти бўлим бошлиғи ушланди. Бу ҳақда Бош прокуратура департаменти Матбуот хизмати хабар бермоқда.
Қайд этилишича, Ўзбекистон давлат санъат ва маданият институти бўлим бошлиғи ҳамда 2023-2024 ўқув йили учун қабул комиссияси масъул котиби А.Ў. фуқаро Ж.С.ни ушбу институтга ўқишга киритиб қўйиш эвазига 5 000 АҚШ доллари пора талаб қилиб, шундан 4 800 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.