Бош прокуратура ҳузуридаги Департаментнинг Каттақўрғон туман бўлими томонидан ДХХ ходимлари билан ҳамкорликда тезкор тадбир ўтказилган.
Тадбир давомида туман ЭТК раҳбари Қ.Х. фермер хўжалиги раҳбари А.Б. дан 5 млн сўм пора талаб қилиб олган вақтида ашёвий далиллар билан ушланган.
Аниқланишича, фермер хўжаликларидан бири 779 млн сўм қарздорлиги сабабли тармоқдан узилган бўлган. ЭТК раҳбари А.Б. фермер хўжалигини электр тармоғига 5 кун муддатга қайта улаб бериши эвазига ундан пул талаб қилган.
Мазкур ҳолат юзасидан ЖКнинг 210-моддаси (пора олиш) билан жиноят иши қўзғатилган. Ҳозирда тергов ҳаракатлари ўтказилмоқда.