Тошкент шаҳар ИИББ ЙҲХБ Ахборот хизматининг хабарига кўра, жорий йилнинг 27 июль куни соат 23:15 атрофида Юнусобод тумани Боғишамол кўчасида йўл-транспорт ҳодисаси содир бўлган.
Аниқланишича, 2002 йилда туғилган О.А. Malibu-2 русумли автомашинани бошқариб кетаётиб, йўлнинг тартибга солинмаган пиёдалар ўтиш қисмидан кесиб ўтаётган 2006 йилда туғилган пиёда А.С.ни уриб юборган.
ЙТҲ натижасида пиёда олган тан жароҳатлари сабаб, воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан ЖКнинг 266-моддаси 2-қисми билан жиноят иши қўзғатилган. Ҳозирда тергов давом этмоқда.
