2023-2024-ўқув йили учун олий таълим муассасаларига кириш тест синовлари 2023 йил 1 август кунидан бошланади. Бу ҳақда Билимни баҳолаш агентлиги Матбуот хизмати хабар берди.
Қайд этилишича, тест синовлари кунига икки сменада ўтказилиб:
— 1-сменада 08:00 дан 11:00 га қадар;
— 2-сменада 15:00 дан 18:00 га қадар бўлиб ўтади.
Тест синовлари ҳудудлардаги абитуриентлар сони ва тест синовлари ўтказиладиган бинолар сиғимидан келиб чиққан ҳолда 11 кундан 13 кунгача давом этади ва 13 август куни тўлиқ якунланади.