Фарғона вилояти ИИБ бошлиғи лавозимига Азизбек Икрамов тайинланди.
У тайинловга қадар, Ички ишлар вазири ўринбосари лавозимида ишлаган.
Эслатиб ўтамиз, Фарғона вилояти ИИБ бошлиғи лавозимида 2022 йилдан буён полковник Жўраев Муҳитдин Ўткирович фаолият юритиб келаётган эди.
Бугун, давлат раҳбарининг Фарғона вилоятига бўлган ташрифи давомида вилоятда жиноятчилик ва ҳуқуқбузарликларга қарши курашиш масаласига алоҳида тўхталиб ўтилди. Бу борадаги ишлар аҳволи қониқарсизлиги танқид қилинган.
Натижада фаолиятида йўл қўйган камчиликлар учун Фарғона вилояти ички ишлар бошқармаси бошлиғи М.Жўраев лавозимидан озод этилган.
