Ўзбекистон президентининг Фармони билан Мелибаев Содир Адилович Ўзбекистон Марказий банки раиси ўринбосари этиб тайинланди. Бу ҳақда банк Матбуот хизмати хабар берди.
Унинг зиммасига бухгалтерия ҳисоби ва ҳисоботи, хавфсизлик ва ахборотни муҳофаза қилиш, тўлов тизимлари, ахборот технологиялари ҳамда республикада “HUMO” миллий тўлов тизими фаолиятининг узлуксиз ишлашини назорат қилиш вазифалари юклатилган.
Шу кунгача С.Мелибаев Марказий банкнинг Ахборот технологиялари департаменти директори лавозимида ишлаб келаётган эди.
С.Мелибаев 1969 йилда туғилган. 1992 йилда Тошкент давлат иқтисодиёт университетини тамомлаган. У банк тизимида 15 йиллик иш тажрибасига эга.