Жорий йилнинг биринчи ярим йили давомида "Uzbekistan Airways" АЖ , "Qanot sharq", "Panorama Airways", "Humo Air" авиакомпанияларига қўшимча равишда "Centrum Air", "Silk Avia", "Asia Union Airlines" ва "Tashkent Air" авиакомпаниялари ташкил этилиб, ўз фаолиятини бошлаган. Бу ҳақда Транспорт вазирлиги Ахборот хизмати маълум қилди.
Таъкидланишича, ўтган 6 ой давомида Ўзбекистонга "Uzbekistan Airways" АЖ ҳамда янги ташкил этилган резидент авиакомпаниялар томонидан 17 та ҳаво кемалари олиб келинган.
Ҳозирда "Uzbekistan Airways" АЖ, "Qanot Sharq", "Centrum Air", "Silk Avia" ҳамда "Humo Air" авиакомпаниялари томонидан маҳаллий йўналишларида ҳафтасига 93 та мунтазам авиақатновлар бажарилмоқда.
IATA-2023 ёзги мавсумида резидент ва хорижий авиакомпанияларга ҳафтасига 697 та частотада халқаро парвозларни амалга оширишга рухсатномалар тақдим этилган, – дейилади хабарда.
