Аввалроқ, ижтимоий тармоқда Бухорода янги қурилган бино ёнаётгани акс этган видео тарқалди. Ҳолат юзасидан вилоят ФВБ маълумот берди.
Маълум қилинишича, 2023 йил 24 июль куни соат 12:20 да Бухоро шаҳар “Бунёдкор” МФЙда жойлашган янги қурилаётган 9 қаватли уйнинг чап ён томони юза қисми (алюкобонд) ёнган. Ёнғин қутқарув экипажлари соат 12:22 да етиб бориб, 12:49 да батамом ўчирилган.
Ёнғин оқибатида фуқароларни куйиш, тан жароҳати олиш ва ҳалок бўлиш ҳолатлари қайд этилмаган. Воқеа жойига 5 та ёнғин-қутқарув экипажлари жалб этилди.
Бирламчи маълумотга кўра, ёнғиннинг келиб чиқиш сабаби пайвандлаш ишларида ёнғин хавфсизлиги қоидаларини бузилиши деб тахмин қилинмоқда. Моддий зарар аниқлаштирилмоқда.