Бугун, 22 июль куни соат 03:20 атрофида Қамчиқ А-373 "Тошкент-Ўш" автомобиль йўналишида жойлашган "Резак" тоннелида "Водий-Тошкент" йўналишида харакатланиб кетаётган Isuzu юк автомашинасида ёнғин содир бўлди. Бу ҳақда Наманган вилояти ФВБ Ахборот хизмати хабар берди.
Унга кўра, 03:22да Ёнғин қутқарувчилар ҳодиса содир бўлган жойга етиб бориб, автомашинадаги ёнғин соат 03:27 да тўлиқ бартараф этилган.
Мазкур ёнғинда куйиб тан жароҳати олиш ҳолати кузатилмаган. Ҳозирда ёнғин юзасидан терговга қадар суриштирув ишлари олиб борилмоқда.