Буюк Британия ва Туркманистоннинг Ўзбекистондаги элчилари ўзларининг дипломатик ишларини якунлашди. Бу ҳақда Ўзбекистон Ташқи ишлар вазирлиги Матбуот хизмати хабар берди.
Бугун, 17 июль куни мамлакат ташқи ишлар вазири Бахтиёр Саидов Буюк Британия элчиси Тимоти Торлот ва Туркманистон элчиси Язгули Маммедов билан учрашган.
Вазир икки элчининг Ўзбекистонда ўз дипломатик миссияларини тугатаётганини маълум қилиб, уларга миннатдорчилик билдирган.
Эслатиб ўтамиз, Тимоти Торлот 2019 йили Буюк Британиянинг Ўзбекистондаги элчиси этиб тайинланган. Язгули Маммедов эса 5 йилдан бери Ўзбекистонда Туркманистон элчиси лавозимида ишлаб келаётган эди.