Экология вазирлиги Матбуот хизматининг хабар беришича, Қашқадарё вилояти Деҳқонобод туманида туман Экология бўлими ишчи гуруҳи томонидан тезкор рейд тадбири ўтказилган.
Рейд давомида "Себатли" массиви ҳудудида тадбиркорлик субъекти томонидан 753 туп тожик кавраги ўсимлигига зарар етказилганлиги, илдиз қисмлари ковланиб, кесилганлиги аниқланган.
Мазкур ҳолат натижасида ўсимлик дунёсига жами 372 млн 735 минг сўм зарар етказилган.
Ҳозирда ҳолат юзасидан тегишли ҳужжатлар тўпланиб, прокуратурага юборилди,- дейилади хабарда.
Маълумот ўрнида, тожик кавраги қизил китобга киритилган.
Аввалроқ, 3 йилга мўлжалланган мораторий даврида ёввойи ҳолда ўсувчи тожик каврагидан фойдаланганлик ҳолатлари аниқланганда қонуний чоралар кўрилиши белгиланган эди.
Шунингдек, каврак ўсимлигининг Қизил китобга киритилган ҳамда киритилмаган барча турларидан тегишли рухсатномасиз фойдаланиш (табиатдан ажратиб олиш, йиғиш, кесиш, зарар етказиш, нобуд қилиш) ва сотиш юзасидан қатъий назорат ўрнатилади.