Бугун, 11 июль куни ижтимоий тармоқларда Намангандаги Чодак дам олиш масканида канатга чиққан одамни канати тўхтаб, ўртада қолиб кетгани акс этган видео тарқалди. Ҳолат юзасидан вилоят ФВБ маълумот берди.
Қайд этилишича, фуқаролар канатда учаётган вақтда канат тўхтаб қолган ва канат ишчи ходимлари томонидан қутқарув арқони орқали фуқаролар тушириб олинган.
Поп тумани Чодак дам олиш масканларида фуқароларнинг хавфсизлигини таъминлаш мақсадида Фавқулодда вазиятлар ва ички ишлар бўлимлари билан ҳамкорликда кун-у тун навбатчилик ташкил этилган.
Эслатиб ўтамиз, бундан аввал ҳам одамлар чиққан канат тўхтаб қолганди.