Экология вазирлиги Матбуот хизматининг хабарига кўра, Жиззах вилояти Зафаробод тумани "Ёрқин" МФЙ ҳудудида профилактик рейд тадбири ўтказилган.
Тадбир давомида, Сирдарё вилоятида яшовчи шахс тегишли рухсатномасиз жами 3 туп игнабаргли дарахтларни ноқонуний кесганлиги аниқланган. Натижада фуқаро "Ўсимлик дунёсини муҳофаза қилиш ва ундан фойдаланиш тўғрисида"ги Қонуннинг 4, 37 ва 49-моддаларини бузган.
Мазкур ҳолат юзасидан МЖтКнинг 79-моддаси 1-қисми билан баённома тузилиб, 1 650 000 сўм миқдорида жарима тайинланган.
Шунингдек, ҳуқуқбузар ўсимлик дунёсига етказилган 25 миллион 740 минг сўм зарарни ҳам тўлайди,- дейилади хабарда.