27 июнь куни соат 00:05 да (Москва вақти билан) "Самара – Большая Черниговка" федерал автомагистралининг 110-километрида Honda минивени ва Hyundai автомобили тўқнашиб кетди. Бу ҳақда Қирғизистон Ташқи ишлар вазирлиги Матбуот хизмати хабар берди.
Ҳодиса оқибатида, 6 киши ҳалок бўлган. Уларнинг икки нафари Қирғизистон фуқароси — бир эркак ва бир аёл (1992 ва 1979 йилларда туғилган), шунингдек, тўрт нафари Ўзбекистон фуқароси.
7 киши (1988, 1990, 1993, 1993, 1994, 1996, 2003 йилларда туғилган эркаклар) касалхонага ётқизилган.
Ҳозирда воқеа сабаблари ва ҳолатлари ҳуқуқ-тартибот идоралари ходимлари томонидан аниқланмоқда.
"Қирғизистоннинг Россиядаги элчихонаси жабрланган фуқароларга консуллик-ҳуқуқий ёрдам кўрсатиб, ҳалок бўлган фуқароларнинг жасадларини ватанига етказишни ташкил этади. Масала икки давлат ташқи ишлар вазирликлари назоратида", - дейилади хабарда.
