Тошкент табиатни муҳофаза қилиш прокуратураси ва Экология, атроф-муҳитни муҳофаза қилиш ва иқлим ўзгариши вазирлиги мутахассислари ҳамкорликда Қибрай туманидан оқиб ўтувчи "Чирчиқ" дарёсининг қирғоқ бўйи муҳофаза зонаси ўрганилганида, бир қатор қонунбузилиш ҳолатлари аниқланган. Бу ҳақда Бош прокуратура маълум қилди.
Хусусан, "Б.А."МЧЖнинг раҳбари С.А.нинг топшириғига кўра, дарёнинг ўнг қирғоғидан жамият ишчилари томонидан 7 683,18 м3 қум-шағал аралашмаси ноқонуний қазиб олинган.
Оқибатда давлат ва жамият манфаатларига 225,6 млн. сўм зарар етказилган.
Мазкур ҳолат юзасидан ЖКнинг 192-11-модда (нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) ва 229-моддаси (ўзбошимчалик) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.