Ижтимоий тармоқларда гаплашишни хоҳламаган аёлнинг юзига "бокал" отилганлиги акс этган видео тарқалган эди. Видеодан кўриш мумкинки, 2 эркак 3 нафар аёлнинг ёнига келиб, улар билан гаплашмоқчи бўлган. Бироз вақтдан сўнг, эркаклар туриб кетган, аммо бакал отиши натижасида аёллардан бири жароҳатланган.
Мазкур ҳолат юзасидан Қашқадарё вилояти ИИБ расмий муносабат билдирди.
Қайд этилишича,Китоб тумани "Гулистон" МФЙда яшовчи фуқаро Р.Д. танишлари билан Шаҳрисабз шаҳридаги "Караван" номли ошхонада ўтирганида Шаҳрисабз шаҳрида яшовчи Б.Ш. фуқаро Р.Д. ва унинг танишлари ўтирган ошхона столига келиб ўтирган.
Бироз вақтдан сўнг туриб кетиб, бирор етарли сабабларсиз, ошхона столи томон ичимлик ичиш учун мўлжалланган шиша идишни отган.
Натижада шиша идиш фуқаролар Р.Д. ва Қ.С.ларнинг юз ҳамда бўйин соҳасига келиб тегиши оқибатида тан жароҳати олиб, шифохонага тушган.
Ҳозирда мазкур ҳолат юзасидан Шаҳрисабз шаҳар ИИБ ТБ томонидан фуқаро Б.Ш. га нисбатан ЖКнинг 277-моддаси 2-қисми "в" банди билан жиноят иши қўзғатилиб, тергов ҳаракатлари олиб борилмоқда.