Аввалроқ, ижтимоий тармоқда Сурхондарёдаги сув омборига машина тушиб кетгани ҳақида хабар тарқалди. Вилоят ИИБ ЙҲХБ ҳолат юзасидан маълумот берди.
Маълум қилинишича, жорий йилнинг 24 июнь куни соат 12:30 ларда 1994 йилда туғилган ҳайдовчи Lacetti'да “Хисорак-Сариосиё” йўналишида ҳаракатланиб келиб, бошқарувни йўқотиши натижасида ушбу ҳудуддан ўтувчи “Тўпаланг” дарёсига тушиб кетган.
Натижада, автомашина ичида бўлган 2007 йилда туғилган йўловчи енгил тан жароҳати олиб туман касалхонасига ётқизилган.
Ҳайдовчи суд-тиббий экспертизасининг хулосасига кўра ҳодиса содир бўлишидан олдин соғлиги ёмонлашгани ва юрак ишемик эҳтимоли юқори бўлганлиги сабабли вафот этган.