Мексиканинг Чяпас штатида ичида 14 нафар ўзбекистонлик бўлган юк машинаси ағдарилиб кетди. Бу ҳақда Мексика Миллий миграция институти (INM) хабар берди.
Маълум бўлишича, ҳодиса кеча, 22 июнь куни Чяпас штатидаги Вилла Комалтитлан-Эжидо Ҳидалго трассасида содир бўлган.
ЙТҲ натижасида, фуқаролар турли тан жароҳатлари олишган. Улардан бир нафарининг аҳволи оғир экани аниқланган. Ҳозирда у шифохонага ётқизилган.
Қайд этилишича, жабрланган 13 нафар эркак ва бир нафар аёл Мексикага ноқонуний киргани аниқланган ва улар тегишли маъмурий иш қўзғатиш учун институт идораларига олиб кетилган.
Хабарда фуқароларнинг ёшлари ҳақида маълумот берилмаган.