Бош прокуратуранинг UzNews.uz'га хабар беришича, жорий йилнинг 19 июнь куни соат 23:17 ларда Олмазор тумани ИИО ФМБ Навбатчилик қисмига келиб тушган хабарга кўра, Тошкент вилояти Тошкент тумани Кўк-терак қишлоғи Хамса кўчаси 66-уйда яшовчи 1999 йилда туғилган С.Қ. чап ва ўнг сон қисмидан ўткир тиғли жисмдан тан жарохати билан ўлик ҳолатда шифохонага олиб келинган.
Ҳозирда мазкур ҳолат юзасидан туман прокуратураси томонидан ЖКнинг 97-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда. Жиноятни фош этиш чоралари кўрилмоқда.