ФВВ Матбуот хизматининг хабарига кўра, бугун, 20 июнь куни соат 07:15да Тошкент вилояти Зангиота тумани ФВБга хабар келиб тушган.
Қайд этилишича, 14 ёшли қиз ўз эҳтиётсизлиги оқибатида яшаш хонадонидаги чуқурлиги 9 метр бўлган қудуққа тушиб кетган.
Хабарга асосан, зудлик билан ФВВ қутқарувчилари айтилган манзилга етиб бориб, махсус қутқарув анжомлари ёрдамида қизни қудуқ ичидан олиб чиққан.
Турли даражада тан жароҳати олган қиз Республика шошилинч тез-тиббий ёрдам илмий марказига ёқизилган. Таъкидланишича, ҳозирда қизнинг умумий аҳволи яхши.
