Қўқон шаҳридаги текстиль фабрикаларининг бирида катта ёнғин келиб чиққани айтилган видео ижтимоий тармоқларга сиздирилди. Ушбу ҳолат юзасидан Фавқулодда вазиятлар вазирлиги муносабат билдирди.
Бугун, 19 июнь куни Фарғона вилояти Учкўприк туманида қурилиши тугалланмаган калава ип ва рангли ип ишлаб чиқариш цехида ёнғин содир бўлаётганлиги тўғрисидаги хабардан сўнг, 4 та ёнғин-қутқарув экипажи соат 12:45 да воқеа жойига етиб борган ва ёнғин соат 12:48 да ўраб олинган ҳамда соат 13:02 да ўчирилган.
Ёнғин натижасида цех биносининг 150 кв.м майдонида том қисми, оператор ва қаровул хонасининг ички қисми ёниб зарарланган.
Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва зарар миқдори аниқланмоқда.
