Ўзгидромет хабарига кўра, бугун ва дам олиш кунлари Ўзбекистон ҳудуди бўйича қуруқ ва иссиқ об-ҳаво сақланиб туради, ҳаво ҳарорати ушбу давр учун иқлимий меъёрлардан +5...+8 даражага юқори бўлади.
Кундузи ҳаво ҳарорати +38...+41 даража, жанубда ва чўл ҳудудларининг баъзи жойларида +42...+43 даража бўлади.
Шимолда ва чўл ҳудудларнинг баъзи жойларида шамол тезлиги соатига 13-18 м/с гача кучайиши, айрим жойларда чанг-тўзон билан кузатилиши мумкин.
Пойтахтда ҳаво очиқ бўлади, вақти-вақти билан ўзгариб туради, ёғингарчилик кутилмайди. Шарқий йўналишдаги шамол тезлиги соатига 3-8 м/с тезликда эсади. Ҳаво ҳарорати +38...+40 даража бўлади.