Жорий йилнинг 15 июнь куни соат 08:30 атрофида Мирзо Улуғбек тумани Султония кўчасида, 1978 йилда туғилган И.С. бошқарувида бўлган ISUZU автобуси ҳамда 1991 йилда туғилган И.М. бошқарувидаги Lacetti автомашинаси иштирокида йўл-транспорт ҳодисаси содир бўлган. Бу ҳақда Тошкент шаҳар ИИББ ЙҲХБ Ахборот хизмати хабар берди.
ЙТҲда Lacetti автомашинаси ҳайдовчиси олган тан жароҳатлар натижасида тиббий муассасага олиб борилган. Бироқ тиббиёт ходимларининг саъй-ҳаракатларига қарамасдан И.М. шифохонада вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан ЖКнинг 266-моддаси 2-қисми билан жиноят иши қўзғатилган. Тергов давом этмоқда.