Хоразм вилояти Қўшкўпир туманидаги "Расулбек" фермер хўжалиги ҳудудида дарахтлар кесилишига оид ҳолат вилоят Экология, атроф-муҳитни муҳофаза қилиш ва иқлим ўзгариши бошқармаси инспекторлари томонидан ўрганилган. Бу ҳақда Экология вазирлиги Матбуот хизмати хабар берди.
Ўрганишлар давомида 83 туп ҳар хил турдаги дарахтлар қўпорилгани, 3 туп дарахт ўсишдан тўхтамайдиган даражада шикастлангани аниқланган.
Ушбу ҳолат ЖИБ Қўшкўпир туман суди томонидан кўриб чиқилган.
Суд ҳукмига кўра, фермер хўжалиги раҳбари Б.А.га нисбатан ЖКнинг 198-модда 3-қисмига асосан, 2 йилга озодликни чеклаш жазоси тайинланган.
Шунингдек, судланувчи томонидан 193,8 миллион сўм миқдоридаги ўсимлик дунёсига етказилган зарар қопланиши белгиланган.
