Бош прокуратура ҳузуридаги Департаментнинг Наманган вилояти бошқармаси ва ДХХ ходимлари томонидан тезкор тадбир ўтказилган.
Тадбир давомида Наманган шаҳрида яшовчи А.С. ўзига нотаниш шахсдан 2 600 АҚШ долларига сотиб олган жами 52 дона қалбаки 100 АҚШ долларлик банкноталарини қайта сотиш мақсадида сақлаб келганлиги аниқланган. Натижада ушбу қалбаки АҚШ долларлари ашёвий далил сифатида олинган.
Мазкур ҳолат юзасидан ЖКнинг 25, 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
