Циан шаҳрида бўлиб ўтган "Хитой – Марказий Осиё" саммити доирасида эришилган келишувларни амалга ошириш мақсадида "Zhejiang Union of Railway Logistics" компанияси, "Ўзбекистон темир йўллари" АЖ ва "Қирғиз темир йўли" миллий компанияси давлат корхонаси ҳамкорлигида Ланьчжоу станциясидан Тошкентга 30 та контейнердан иборат блок поезди ҳаракати йўлга қўйилди. Бу ҳақда "Ўзбекистон темир йўллари" АЖ Ахборот хизмати хабар берди.
"Хитой – Қирғизистон – Ўзбекистон" мультимодал транспорт йўлаги бўйлаб юк ташишни рағбатлантириш мақсадида илк синов поезди ҳаракатига 9 июнь куни старт берилди.
Таркибида қуёш панеллари, механик жиҳозлар, матолар ва бошқа юклар бўлган умумий қиймати 2,5 млн АҚШ долларини ташкил этувчи юк поезди Хитойнинг Ланьчжоу шаҳридан Тошкентга 15 кунда етиб келиши белгиланган.