Мажбурий ижро бюроси Матбуот хизматининг хабарига кўра, жорий йилнинг 3 июнь куни ҳуқуқни муҳофаза қилувчи органлар билан ҳамкорликда тезкор тадбир ўтказилган.
Бюронинг Кўкдала тумани бўлими давлат ижрочиси А.Д. ва Шаҳрисабз тумани бўлими давлат ижрочиси Ж.М. лар, Шаҳрисабз шаҳри, "Боғибаҳор" МФЙда яшовчи фуқаро У.Р.нинг ёнига бориб, муқаддам унга нисбатан ўрнатилган тақиқини ечиб бериш эвазига олган 1 200 АҚШ долларини У.Р.га қайтариб бераётган вақтда ашёвий далиллар билан ушланган.
Ҳозирда ҳолат юзасидан ЖКнинг тегишли моддалари билан жиноят иши қўзғатилиб, тергов ҳаракатлари олиб борилмоқда.
Бюро органларида автоматлаштирилган электрон тизим инсон омилисиз, давлат ижрочисининг аралашувисиз белгиланган тартиб билан қарздорлик бартараф этилган тақдирдагина, тақиқларнинг ечилишига имкон беради, - дейилади хабарда.